Признавањето на државата Палестина како дел од мировниот процес на Блискиот Исток е „неспорно право“, му порача новиот британски премиер Кир Стармер на палестинскиот претседател Махмуд Абас.
Лидерот на лабуристите, кој убедливо победи на изборите оваа недела, разговараше со Абас за „страдањето и трагичната загуба на животи што продолжува“ во Појасот Газа.
Стармер, исто така, разговараше со израелскиот колега Бенјамин Нетанјаху, нагласувајќи ја „јасната и итна“ потреба за прекин на огнот и враќање на заложниците земени од палестинската милитантна група Хамас во крвавиот напад на Израел на 7 октомври.
Во изборниот манифест лабуристите ветија дека ќе ја признаат палестинската државност како дел од процесот што треба да резултира со решение со две држави.
Ставот на лабуристите за Газа и нивното првично одбивање да повикаат на прекин на огнот ја чинат партиската поддршка од некои гласачи, но и покрај тоа тие забележаа рекордна победа на изборите во четвртокот и едно од најголемите парламентарни мнозинство во британската историја.