Американскиот претседател Џозеф Бајден изјави денеска дека се уште може да го победи републиканскиот кандидат и поранешен претседател Доналд Трамп на претседателските избори во ноември.
Додека се качуваше во претседателскиот авион на пат кон митинг во Висконсин, Бајден беше прашан дали може да го победи својот ривал, на што тој одговори потврдно, пренесе Ројтерс.
Следните, 60-ти претседателски избори во Соединетите Американски Држави се закажани за 5 ноември 2024 година.
Во август и септември треба да се одржат партиски конгреси на кои официјално ќе биде одобрен по еден кандидат од секоја партија.
Следната дебата Бајден-Трамп ќе се одржи на 10 септември.