Риши Сунак денеска изјави дека ќе поднесе оставка од функцијата премиер и лидер на Конзервативната партија по поразот од Лабуристичката партија на Кир Стармер и додека заминуваше со извинување, и оддаде почит на Британија и повика на заштита на „љубезноста, пристојноста и толеранцијата“.
Неговиот пораз значи крај на 14-годишната конзервативна влада – период обележан со поделеност, политичка нестабилност и од неодамна економски проблеми. Сунак му ја предава контролата на шестата по големина економија во светот на лидерот на Лабуристичката партија на левиот центар Кир Стармер.
„Направив се од себе, но вие испративте јасна порака дека владата на Велика Британија мора да се промени, а важна е само вашата одлука“, рече Сунак пред неговата канцеларија во Даунинг стрит.
Сунак рече дека без оглед на нивните разлики, тој го почитува Стармер како „пристоен човек кој се грижи за благосостојбата на општеството“.
„Ќе се повлечам од функцијата лидер на партијата, не веднаш, туку штом ќе се направат формални аранжмани за избор на мојот наследник“, рече Сунак.