Сунак: Постигнат е договор помеѓу Велика Британија и Албанија за ограничување на илегалната миграција

Од:

Британскиот премиер Риши Сунак денеска изјави дека Велика Британија постигнала нов договор со Албанија за ограничување на бројот на илегални мигранти, како дел од мерките за забрзување на обработката на документите на барателите на азил.

Бројот на Албанци кои пристигнуваат во Велика Британија преку Ла Манш со мали чамци е зголемен во изминатите две години. Според податоци на британската Влада најголем број мигранти во Велика Британија влегуваат преку таа рута.

Сунак наведе дека на почетокот на следната година Владата ќе воведе закон, со кој ќе им забрани на мигрантите кои пристигнуваат преку Ла Манш да останат во Велика Британија.

– Ако нелегално влезете во Обединетото Кралство, не би требало да можете да останете овде, истакна Сунак во Парламентот.

Според него, оние кои влегле илегално ќе бидат приведени и брзо вратени или во татковината или во безбедна земја, каде што ќе се обработуваат нивните барања за азил.

– Не е сурово или бездушно да се растурат криминалните банди кои тргуваат со човечка беда … доста е, наведе Сунак.

Извор: МИА

Би можело да ве интересира

Само Албанија е понесреќна земја од Македонија во регионот: ООН го објави извештајот за среќа

Орце Костов

Зетот на Трамп објави фотографии од луксузни архитектонски проекти за Србија и Албанија

Земјотрес во Албанија

Британците повеќе не ја сметаат Германија за сигурен сојузник

Со еден клик до работни места во Србија и Албанија: Нова можност за македонските граѓани

Орце Костов

ВИДЕО: Повторно хаос во албанскиот парламент, сесијата заврши предвреме поради немири