Во врска со смртта на С.Б.(74) кој почина на 4 февруари годинава денеска се уапсени четворица чувари и лекар во затворот во Падинска скела, потврди за „Блиц“ главниот јавен обвинител на Вишото јавно обвинителство во Белград, Ненад Стефановиќ.
Тие беа уапсени од полицијата по наредба на Специјалното одделение за сузбивање на корупцијата на Јавното обвинителство во Белград во соработка со Управата за извршување на кривични санкции на Министерството за правда на Србија поради сомнение дека сториле кривично дело несовесно работење во службата, прецизира Ненад Стефановиќ.
Тој додаде дека на осомничените им е одреден притвор до 48 часа и за тоа време ќе бидат сослушани.
Потсетуваме, Вишото јавно обвинителство во Белград веќе води истрага против тројца осомничени, кои делеле затворска ќелија со Станимир Брајковиќ бидејќи во неколку наврати го тепале и малтретирале, поради што тој починал.
Тие се товарат за тешко убиство.