Грчката владејачка партија на премиерот Киријакос Мицотакис Нова демократија освои најголем број гласови на изборите за Европскиот парламент (ЕП) со 28,31 отсто од гласовите или 7 мандати, соопшти Министерството за внатрешни работи на Грција.
Левичарската опозиција Сириза освои четири мандати со 14,92 отсто од гласовите, пишува Катимерини.
Социјалистичката партија Пасок ќе има три мандати во ЕП со 12,79 отсто од гласовите, додека националистичката партија Грчко решение освои два мандата со 9,3 отсто од гласовите.