Белата куќа денеска соопшти дека САД се „длабоко вознемирени од грузискиот закон за странски агенти во стилот на Кремљ“, кој западните земји го критикуваа како авторитарен и инспириран од руското законодавство.
Грузискиот парламент денеска ја усвои третата и последна верзија на нацрт-законот за странски агенти, со кој беше отстранета големата пречка текстот да стане правен акт, пренесува Ројтерс.
„Ние сме длабоко загрижени за проруското законодавство на Грузија“, рече портпаролката на Белата куќа, Карин Жан-Пјер.
Таа предупреди дека доколку овој закон биде усвоен, тој ќе ги принуди САД „фундаментално да ги преиспитаат своите односи со Грузија“.
Од 15 април опозицијата и граѓанските активисти одржуваат протести во Тбилиси против овој закон.
Протестите постојано прераснуваа во судири со полицијата, а полицијата употреби бибер спреј и водени топови за да ги растера демонстрантите.
Грузиската претседателка Саломе Зурабишвили најави дека ќе стави вето на овој закон.