Јуниорската финалистка на Вимблдон, Никола Бартункова е суспендирана поради допинг.
18-годишната тенисерка од Чешка нема да може да се натпреварува бидејќи била позитивна на триметазидин.
Таа супстанца била пронајдена во нејзината крв при тестирање во Трнава и Марибор, во февруари и март.
Да потсетиме, овој лек е пронајден и кај Русинката Камила Валијева 2021 година, натпреварувачка во уметничко лизгање, но и кај 23 кинески пливачки.
Минатата година Бартункова играше во јуниорското финале на Вимблдон, каде беше поразена од Клерви Нгуну.
Таа стигна и до полуфиналето на Ролан Гарос во сингл и до финалето во двојки.
Нејзе ѝ е забрането да учествува во натпреварување во очекување на сослушувањето пред Агенцијата за тениски интегритет.
Инаку, таа се наоѓа на 282. место на ВТА листата.