Италијанската полиција откри и заплени 2.700 килограми кокаин скриен во керамички банани. Дрогата е пронајдена во пристаништето Џоја Тауро, во регионот на Калабрија. Според локалните медиуми, станува збор за историска заплена на дрога. Дрогата наводно пристигнала од Јужна Америка.
https://www.youtube.com/shorts/W9bBC–e40U
– Имагинацијата на шверцерите на дрога нема граници, а тоа се виде во заплената на кокаин регистриран во последните неколку часа во пристаништето Џоја Тауро – најважниот пункт за прием на легална и нелегална стока во Италија, а во кој доминира „Ндрангета“, меѓу другите меѓународни мафијашки организации за шверц на дрога – известуваат италијанските медиуми.
Акцијата ја извршил италијанската финансиска стража и полицијата, задолжени за безбедносни прашања во споменатото пристаниште, чии агенти со чекани и друг алат кршеле лажни банани, најверојатно од керамички материјал, во кои биле сокриени пакувања со кокаин. Проценетата вредност на запленетото на италијанскиот нелегален пазар е 800 милиони евра.