Прославен Денот на победата во Париз, Макрон не одржа говор

Од:

Франција денеска во Париз ја прослави 79-годишнината од победата на сојузниците над нацистичка Германија на 8 мај 1945 година – објави парискиот весник Фигаро и истакна дека овој пат претседателот Емануел Макрон не го одржал вообичаениот говор на прославата.

Како што налага традицијата, претседателот му оддаде почит на генералот Шарл де Гол со положување венец на неговиот споменик, а потоа, придружуван од Републиканската гарда, прошета по авенијата Шанзелизе до историскиот споменик на Триумфалната капија каде запали пламен на гробот на Незнајниот јунак.

Минатата година Макрон одржа говор во кој ги потврди вредностите на слободата и мирот, но денес немаше говор – пишува Фигаро и прашува дали можеби тоа е затоа што Макрон треба да пристигне денеска во Марсеј за официјално да го пречека олимпискиот оган за лето. Олимписките игри кои започнуваат на 26 јули и ќе бидат во Париз до 11 август.

Премиерот Габриел Атал, министерот за одбрана Себастиен Лекорни и воените лидери присуствуваа на церемонијата на Денот на победата во Париз.

Денешната прослава, како и вечерашното пречекување на олимпискиот оган, се придружени со засилени безбедносни мерки ширум Франција.

Би можело да ве интересира

ВИДЕО: Големо невреме на Алпите, загинаа татко и син кои помагале во спасувањето

Серија напади на затвори во Франција, властите велат ова е тероризам

Емануел Макрон му порача на Нетанјаху: Мора да заврши страдањето на цивилите во Газа

Макрон: Пред нас се 90 дена полни со неизвесност

Хамас: Француското признавање на палестинската држава до јуни би било важен чекор

Макрон: Франција планира да ја признае палестинската држава во наредните месеци