Хрватскиот фудбалер Лука Модриќ е најстариот играч кој настапувал за Реал Мадрид во Ла Лига.
На денот на мечот со Кадиз тој имаше 38 години и 238 дена, со што ја надмина клупската икона Ференц Пушкаш, кој беше претходниот рекордер.
Легендарниот Унгарец имаше 38 години и 233 дена кога одигра натпревар за „Кралскиот клуб“.
Ова е втор пат за неколку дена Модриќ да го собори рекордот на Пушкаш, бидејќи го надмина и како најстар играч кој одиграл европски натпревар за Реал.
Модриќ беше стартер на натпреварот во кој Реал направи уште еден чекор кон титулата со победа од 3:0, доколку Барселона не ја совлада Џирона.
Во првото полувреме хрватскиот ас доби громогласни овации од преполниот „Сантијаго Бернабеу“. Навивачите на Реал го скандираа неговото име, а тој им се заблагодари со аплауз.
Модриќ придонесе за триумфот на мадриѓаните со асистенција за првиот гол кој го постигна Браим Дијаз.
Неповторливиот хрватски фудбалер можеби ќе ја одигра и првата сезона во Реал, со кој во неколку наврати освои се што можеше да се освои.