Фудбалерот на Реал Мадрид Џуд Белингем го повреди мускулот на десната нога, соопшти неговиот клуб.
Реал не соопшти колку долго англискиот репрезентативец ќе отсуствува од терените, а шпанските медиуми објавија дека тој би можел да паузира и до еден месец.
„Доби удар и е под опсервација“, изјави тренерот на Реал, Карло Анчелоти.
Реал во недела ќе го пречека Ваљадолид во второто коло од Примера, откако на стартот од првенството ремизираше против Мајорка 1:1.