Во Собранието на Република Македонија денеска продолжува семинарот со пратеници од земјите – пристапнички и од Европскиот парламент насловен „Отворен парламент – Транспаретност на парламентарните активности“.
Потпретседателот на ЕП Ласло Сурјан и пратениците ќе зборуваат за поврзаноста меѓу парламентарците и граѓаните, а темите за кои во текот на денот ќе се дебатираат се поврзани со ИТ како клучна алка за парламентите и клуч за граѓаните за што ќе зборува Рејнер Виланд, потпретседател на ЕП.
Дубравка Грчиќ од Центарот за истражување, транспарентност и одговорност (ЦРТА) – членка на Глобалната мрежа на парламентарни мониторинг организации ќе го презентира извештајот за тоа колку парламентите од Западен Балкан и Турција се отворени кон нивните граѓани.