23-годишниот Херш Голдберг-Полин беше киднапиран на музички фестивал кога Хамас го нападна Израел на 7 октомври и сега се појави на видео објавено од милитантната група. На видеото се гледа дека му недостасува подлактицата на левата рака. Сведоците претходно раскажаа како бил повреден кога се обидел да фрли граната во засолниште во кое се криеле луѓе.
“The airstrikes carried out by the Israeli air force have killed at least 70 Israeli captives. Benjamin Netanyahu has abandoned thousands of Israeli citizens. He should be ashamed!”
—Hersh Goldberg-Polin, an Israeli captive currently held in Gaza
— Tiberius (@ecomarxi) April 24, 2024
Тој наводно ја користел својата кошула за да го запре крварењето, пред да биде киднапиран од Хамас. Во видеото, 23-годишникот го критикува израелскиот премиер Бенјамин Нетанјаху и неговата влада, велејќи дека треба да се „срамат“ што не обезбедуваат ослободување на заложниците.
Тој тврди дека Израелците убиле „околу 70 заложници“ во бомбардирањата, додека останатите живеат во „подземен пекол без вода, храна и сонце“. 23-годишното момче на видеото е облечен во црвена кошула. Видеото завршува со порака до сопствените родители, во која им порачува „останете силни“ и дека „многу ги сака“, пренесува Sky News.
Набрзо се јавија и неговите родители.
„Те сакаме, остани силен, опстани“, рекоа тие.
Џон Полин вели дека е среќен што имал шанса да го слушне гласот на својот син за прв пат по повеќе од 200 дена.
„Среќни сме што го видовме жив, но сме загрижени и за неговото здравје, како и за сите други заложници и сите оние кои страдаат во овој регион“, рече тој.
Тој ги повика земјите вклучени во мировните преговори „да бидат храбри да го искористат овој момент и да постигнат договор за секој да може повторно да се обедини со своите најблиски и да стави крај на страдањата“.