Денеска, кошаркарите од ООУ „Петар Поп Арсов“ на домашен терен ги пречекаа своите спортски ривали, учениците од ООУ „Христијан Тодоровски Карпош“.
Со овој натпревар, официјално започна овогодинешната училишната кошаркарска лига, во која учествуваат младите кошаркари од десетте основни училишта од општина Карпош.
Во рамките на ова традиционално натпреварување, ќе се одиграат седум кола, каде, талентираните спортисти ќе имаат можност да ги демонстрираат своите познавања од кошарката. Училишната кошаркарска лига ќе заврши на 15-ти октомври 2013, со последниот натпревар помеѓу основците од ООУ „Лазо Трповски“ и ООУ „Петар Поп Арсов“.