Во Панчево имало неиспровоциран тежок физички напад врз четворица хрватски државјани, како и врз двајца Срби кои застанале во нивна одбрана, соопшти Министерството за надворешни и европски работи на Република Хрватска.
Станува збор за напад што се случил на 13 април во Панчево, Србија. Од хрватското Министерството велат дека овој чин кој бил јасно национално и етнички мотивиран.
„МВЕП очекува итна и јасна јавна осуда на овој напад од страна на официјалните лица на Република Србија, бара итно доставување на сите релевантни информации поврзани со дејствијата на полицијата и правосудните органи на Република Србија во конкретниот случај и очекува соодветна казна на сторителите“, се наведува во соопштението на МВЕП.