Судот во Украина денеска повторно го одложи процесот против поранешната украинска премиерка Јулија Тимошенко, откако таа не се појави на рочиштето.
Тимошенко го бојкотира судскиот процес од самиот почеток, а ова беше 25-то одложување. Следното рочиште е закажано за 25. октомври.
Тимошенко е обвинета за затајување на данок и за незаконско присвојување.
Таа веќе издржува 7-годишна затворска казна под обвинениа за злоупотреба на службената положба. Доколку биде прогласена за виновна и во второто судење, поранешната премиерка може да добие и до 12 години затвор.