Во Тетово на улицата „Михајло Рајчевиќ“ вчера полициски службеници на СВР Тетово ја привеле 23-годишната тетовка Б.Ј., соопшти денеска МВР.
Таа била барана по централна потерница врз основа на судска наредба за издржување на затворска казна од една година и шест месеци за сторено кривично дело „кражба“.
– Претходно, Б.Ј. била пријавена од 30-годишниот тетовец А.С. дека во неговата куќа на оваа улица извршила кражба и одзела повеќе предмети, кои подоцна биле пронајдени и му биле вратени. Б.Ј. била спроведена во Казнено-поправната установа затвор „Идризово“ во Скопје за издржување на казната, појаснуваат од МВР.