Вчера во амфитеатарот на Технолошко-Металуршкиот факултет во Скопје се одржа седмата редовна седница на Советот на Општина Карпош.
На неа, советниците ги усвоија сите 32 точки од дневниот ред, меѓу кои најзначајни беа Предлог-Одлуката за измена на распоредот на средствата во Буџетот на Општина Карпош за 2013 година, а усвоена беше и Предлог-Годишна програма за работа на сите 10 основни училишта на територија на Карпош за 2013/2014 година.
Во текот на оваа седница, дневниот ред беше проширен за уште две точки, кои подоцна беа усвоени. За член во одборот за доверба и соработка со јавноста на Факултетот за информатички науки и компјутерско инженерство беше избрана советничката од ВМРО-ДПМНЕ, Даниела Штерјова, додека за член во одборот за доверба и соработка со јавноста на Педагошкиот факултет во Скопје беше избран советникот од Српската напредна странка во Македонија, Зоран Поповски.