Претседателот на Република Српска, Милорад Додик, вечерва изјави дека е против воведување санкции против Русија, додавајќи дека рускиот претседател Владимир Путин „го брани суверенитетот на својот народ и го почитува територијалниот интегритет на Босна и Херцеговина“.
„Да се сретнеме со Путин, без разлика што велат оние на Запад, е голема привилегија. Не сакам да разговарам со официјални лица кои сакаат да не принудат да воведеме санкции кон Русија. Путин го брани суверенитетот на својот народ и го почитува територијалниот суверенитет и интегритетот на Босна и Херцеговина“, рече Додик во интервју за РТРС.
Тој додаде дека Република Српска „не сака никому ништо да наметнува“, нагласувајќи дека мора да се најде начин за соживот бидејќи, како што посочи, конфликтот не е решение.