Бесник Бисљими, првиот заменик на Албин Курти, рече дека властите во Приштина се за среден транзитен период со цел граѓаните да се прилагодат на новата регулатива на Централната банка на Косово (ЦБК) за еврото, како единствена валута во употреба на Косово, кој стапува на сила од утре.
„Како влада бараме од Централната банка на Косово да стапи во контакт со Народната банка на Србија, со цел да се најде најдобриот начин за пренос на динари во евра“, рече Бесник Бисљими на вонредна прес-конференција.
Тој потврди дека уредбата на ЦБК стапува во сила утре. Но, тој посочува дека таа „не забранува и не се занимава со српскиот динар“, бидејќи, како што вели, „динарот и порано е забранета валута“.
Тој наведува и дека нема да има казна за употребата на динари, туку дека наместо тоа, граѓаните ќе бидат информирани за можностите што им стојат на располагање, како и за дискусиите меѓу ЦБК и НБС.
Во однос на барањата на меѓународната заедница, тој вели дека ниту едно од нив не фрла сомнеж во указот на централната банка и дека не го оспоруваат еврото да биде единствената валута во Косово.