Полицијата извести дека вчера околу 15.40 часот, било пријавено дека на магистралниот пат граничен премин „Деве Баир“ – Крива Паланка, се случила сообраќајна несреќа во која возило „рено“ управувано од Т.М.(34) од Крива Паланка удрило во Д.М.(49) од селото Дурачка река, Крива Паланка, а потоа во запрено товарно возило „мицубиши“, сопственост на ЈП за Комунални услуги-Комуналец Крива Паланка.
Во несреќата со тешки повреди се здобил Д.М., констатирани во комплекс клиники „Мајка Тереза“ во Скопје. Извршен бил увид од увидна екипа на ОВР Крива Паланка.