Шпанскиот тенисер Карлос Алкараз на прес-конференцијата пред натпреварот од првото коло на Австралија опен изјави дека се надева на пласман во финалето.
Алкарас изрази желба да се натпреварува со Ѓоковиќ во борбата за титулата.
Шпанецот во вторник, еден час по полноќ, во првото коло ќе игра со францускиот тенисер Ришар Гаске.
– Среќен сум оваа година, се надевам дека ќе биде добра како 2023. Одлично се подготвив, морам да се подобрам во некои работи кои не ги направив добро минатата година – изјави Алкараз.
Како што истакна, сака да напредува и на теренот и надвор од него.
„Секој може да биде подобар, јас не сум совршен, никој не е. Целта е да освојам уште еден Грен слем“, истакна Алкарас, пренесува Спутник.
Тој додава дека дополнителен мотив за него е потенцијалниот дуел со Ѓоковиќ.
„Секогаш сакам да играм против најдобрите, да видам до каде сум. Да се игра со Новак на место каде што е речиси непобедлив би бил одличен тест. Со нетрпение го чекам пласманот во финалето и се надевам дека ќе играм против него“, рече Алкараз.