Шест лица се повредени во пожарот што рано утринава избувна на Клиниката за психијатрија во Бања Лука, потврдија од полициската управа.
Пожарот бил пријавен 40 минути по полноќ.
„Во полициската управа околу 00.40 часот е пријавено дека на улица „Мачванска“ во просториите на Клиниката за психијатрија УКЦ РС избувнал пожар. Пожарот бил локализиран од вработени и припадници на Противпожарната бригада на град Бања Лука. Шест лица се повредени на кои им е укажана лекарска помош во УКЦ РС“, велат од полицијата.
Извршена е истрага, а за се е известен и дежурниот обвинител на Бања Лука, кој нареди да се преземат сите неопходни мерки и дејствија за утврдување на околностите на пожарот.