Најмалку 103 лица загинаа во иранскиот град Керман, каде одекнаа експлозии на патот што води до гробницата на генералот Касем Сулејмани, јавува Sky News.
Локалните власти соопштија дека се работи за терористички напад.
На местото на несреќата пристигнале голем број возила на брза помош, а повредените се пренесени во локалните болници. „Њујорк тајмс“ наведува дека 141 лице се повредени. Сите се префрлени во болници.
Медиумите додаваат дека маси луѓе ги блокираат улиците, а безбедносните сили се обидуваат да ја рассчистат областа.
🇮🇷 | #Iran: At least 50 killed and dozens of wounded as a result of explosions at the IRGC General Soleimani's assassination anniversary day in the Iranian city of Kerman. pic.twitter.com/5RYnLPAdK4
— Status-6 (Military & Conflict News) (@Archer83Able) January 3, 2024
Еден од сведоците наведува дека експлозивната направа била ставена во корпа за отпадоци, пренесува Ал Џезира.
Сулејмани ги предводеше иранските сили Кудс две децении и ги предводеше надворешните операции на Корпусот на Исламската револуционерна гарда (ИРЦГ). Тој беше убиен во американски воздушен напад во близина на Багдад во јануари 2020 година.