Десет патници се повредени во сообраќајна несреќа што по 12 часот се случила денеска во Бугарија.
Според информациите на локалните медиуми, несреќата се случила на патот Борово – Волово, во близина на границата со Романија, кога туристички автобус налетал на камион, а потоа излетал од патот. Aвтобусот го управувал маж (36) од Романија, а возачот на камионот (50) е од Турција.
Од автобусот се повредени вкупно десет лица, меѓу кои осум Грци и двајца Романци. Повредените се пренесени во болница со полесни повреди кои не се опасни по живот, соопштија бугарските власти.
Меѓу повредените има и 62-годишна жена со повреда на главата, која е оперирана, но нејзината состојба не предизвикува загриженост.
Поради несреќата на оваа делница од патот имало застој.