Првпат нова германска партија која е против еврото, Алтернатива за Германија достигна неопходен цензус од пет отсто гласови за влез во парламентот, покажуваат најновите анкети на ИНСА.
Тоа укажува дека канцеларот Ангела Меркел можеби нема да може повторно да формира коалиција на десниот центар по изборите в недела на 22 септември, анализираат западни медиуми.
Според најновата анкета, конзервативците на Меркел имаат 38 отсто гласови од избирачите додека Либералите имаат шест отсто што е вкупно 44 гласови, еден процентен поен пониско од вкупниот збир на три партии од левиот центар.
Опозициските Социјалдемократи имаат според анкетата, 28 отсто гласови, Зелените осум проценти и тврдокорните левичари девет отсто гласови од избирачите.