Собранието на Република Македонија денеска ќе ја одржи 71. седница на која пратениците ќе им поставуваат прашања на премиерот и на членовите на Владата.
Според најавите од пратеничката група на СДСМ и вчерашната координација пред седницата за поставување пратенички прашања, опозицијата се враќа на овие седници, кои ги бојкотираше по настаните пред и во Собранието на 24 декември.
Прв прашање на седницата денеска ќе постави пратеник од опозициската СДСМ, а потоа, според предвиденото, уште едно прашање поставува опозицијата, па владејачкото мнозинство.
Опозициските пратенички групи, пак, се уште не присуствуваат на редовните понеделнички координации со претседателот на Собранието Трајко Вељаноски. Тоа, според нив, ќе се случи дури откако партиите ќе се усогласат за точките што произлегуваат од заклучоците и препораките на ад хок Комисијата за 24 декември, на што работи Работната група. Последната средба на групата се одржа вчера попладне, а претставниците на ВМРО-ДПМНЕ, СДСМ и на ДУИ требаша да се изјаснат за предлозите на владејачкото мнозинство.
