Расчистено е делото со убиството на дедото во Крива Паланка кој беше пронајден починат во неговиот дом.
Полицијата веќе поднесе и кривична пријава по брза постапка, која е доставена до ОЈО Куманово. Осомничен за убиството е С.Д. (27) од Крива Паланка, тој е изведен пред Основен суд Куманово.
од МВР велат дека на 05.12.2023 од страна на Одделот за криминалистичка полиција – Сектор за општ и насилен криминал, во содејство со СВР Куманово – ОВР Крива Паланка, лишен е од слобода С.Д.(27) од Крива Паланка. Тој се сомничи дека сторил кривично дело „убиство“ врз М.Д.(76) од Крива Паланка, предвидено и казниво по чл.123 од Кривичниот законик.“
Имено, на 21.11.2023, по извршена обдукција на телото на М.Д., кој бил пронајден починат во својот дом на 20.11.2023, во Институт за судска медицина и криминалистика Скопје било констатирано дека станува збор за насилна смрт, по што веднаш се преземени мерки и активности за расчистување на случајот.
Полицијата извршила претреси во домот и други простории, разговори со повеќе лица, обезбедени се материјални докази, а осомничениот е пронајден и приведен во полициска станица, каде во службен разговор тој во целост го појаснил извршеното тешко кривично дело. За случајот сочинета е кривична пријава по брза постапка, која е доставена до ОЈО Куманово и С.Д. е изведен пред Основен суд Куманово.