Тринаесет лица загинаа во пожар во хостел во најголемиот град во Казахстан, Алмати, соопшти градското Одделение за итни случаи.
Пожарот избувнал во трикатница во која престојувале 72 гости.
Жртвите починале од труење со јаглерод моноксид, додека останатите 59 лица успеале да ја напуштат зградата.
Според градоначалникот на Алмати, три лица се префрлени во болница, објави казахстанскиот портал zakon.kz.
Причината за пожарот се уште не е позната.