Еден човек загина, а осум лица се повредени во судир на три патнички возила и автобус на патот Крагуевац-Баточина. Според РТС, меѓу осумтемина повредени има тројца тинејџери.
Како што рече началникот на Управата за вонредни состојби во Крагуевац, припадниците на Бригадата за противпожарна и спасувачка единица со исклучително брза интервенција извлекле и спасиле лица кои останале заглавени во автомобилите, а од автобусот биле евакуирани повеќе од 20 лица.
Јелена Тијаниќ од Институтот за итната помош во Крагуевац извести дека во болница се пренесени осум лица, пет возрасни и тројца тинејџери. Сите повредени биле во патнички возила. Во извлекувањето на повредените учествувале пет екипи пожарникари-спасувачи, четири екипи на Брза помош и полиција. Станува збор за лица со различен степен на повреди од три автомобили кои учествувале во тешка сообраќајка на државниот пат, при што еден возач починал на местото на несреќата.