Економските мерки и политики на владата предводена од СДСМ даваат резултати, кои ги чувствуваат сите граѓани. Инфлацијата континуирано се намалува. Стапката на инфлација во октомври се намали на 3,5 проценти и е речиси преполовена во однос со претходниот месец, кога растот на трошоците за живот беше 6,6 отсто, велат од СДСМ.
„Инфлацијата е намалена за 5,5 пати, во споредба со октомври минатата година кога изнесуваше 19,8 отсто. За заштита на стандардот на граѓаните, наскоро треба да биде проширена мерката за „гарантирана цена“, а дополнително на намалување на цените ќе влијае донесувањето на предложениот закон за нефер трговски пракитки. СДСМ продолжува да носи мерки во интерес на граѓаните и заштита на животниот стандард“, е наведено во партиското соопштение.