Генералниот секретар на ОН Антонио Гутереш истакна дека заштитата на цивилите мора да биде најважна во конфликтот меѓу Израел и палестинските милитанти Хамас, предупредувајќи дека Газа станува гробница за децата.
„Мораме да дејствуваме сега за да најдеме начин за излез од овој брутален, ужасен, мачен ќорсокак на уништување“, им рече Гутереш денеска на новинарите и го повтори својот повик за итен хуманитарен прекин на огнот.
The way forward is clear:
Humanitarian ceasefire.
Respect for int'l humanitarian law.Unconditional release of hostages.
Protection of civilians, hospitals, UN facilities, shelters & schools.
Ending use of civilians as human shields.
More humanitarian aid entering Gaza.NOW. pic.twitter.com/pgYxCCf2C9
— António Guterres (@antonioguterres) November 7, 2023
Израел вети дека ќе го уништи Хамас, кој владее со Појасот Газа, откако милитантите убија 1.400 луѓе и зедоа повеќе од 240 заложници на 7 октомври. Израел ја гаѓа Газа од воздух, воведува опсада и започнува копнена офанзива. Палестинските здравствени власти соопштија дека бројот на загинати во Газа надмина 10.000.
„Газа станува гробишта за деца. Стотици девојчиња и момчиња се убиени или ранети секој ден“, рече Гутереш. Тој рече и дека се прекршуваат јасните меѓународни хуманитарни закони. Тој рече дека на ОН им се потребни 1,2 милијарди долари за да помогнат во испораката на помош за 2,7 милиони луѓе во Газа и на Западниот Брег.
„Копнените операции на израелските одбранбени сили и непрестајното бомбардирање се насочени кон цивили, болници, бегалски кампови, џамии, цркви и објекти на ОН, вклучително и засолништа. Никој не е безбеден. Во исто време, Хамас и другите милитанти користат цивили како жив штит и продолжуваат неселективно да истрелаат ракети кон Израел“, заклучи Гутереш.
Камиони со хуманитарна помош полека влегуваат во Газа од Египет преку преминот Рафах, главниот граничен премин кој не се граничи со Израел. Но, претставници на ОН постојано изјавија дека тоа е недоволно за цивилното население во Газа од околу 2,3 милиони луѓе, од кои повеќе од еден милион останаа без покрив над главата поради израелските бомбардирања.