Четири деца и тројца браќа и сестри на снимателот на агенцијата Анадолија, Мухамед Алалул беа убиени во израелски воздушен напад врз Газа доцна во саботата.
Во нападот се повредени сопругата, мајката, таткото и второто дете на Алалул, снимателот на Анадолија.
Куќата на Алаул беше целосно уништена по израелскиот воздушен напад врз бегалскиот камп Ал-Магази во центарот на Газа. Сопругата на Алаул е во тешка состојба и е примена на интензивна нега.
Алалул, по пристигнувањето на местото на урнатините на неговиот дом, рече дека бил на работа во Кан Јунис и дека откако дознал за нападот на кампот Ал-Магази, претчувствувал дека неговата куќа е погодена.
An Israeli air strike on Gaza's Al Maghazi refugee camp has killed four children and three siblings of freelance Anadolu Agency cameraman Muhammed Alaloul pic.twitter.com/UyXUJSc3Uf
— TRT World (@trtworld) November 5, 2023
„Претходниот ден бев со семејството, со моите деца. Ми рекоа да ја напуштам работата и да поминувам повеќе време со нив. Еден дури ми рече да го однесам на работа за да бидеме заедно“, рече Алаул.
Тој рече дека неговите деца биле убиени додека спиеле.
Ова беше бегалски камп, децата ги убија додека спиеја, моите деца. Израел бомбардира сè, сè по ред“, изјави снимателот Алаул.