Претседателката на Европската комисија, Урсула фон дер Лајен денеска пристигна во Киев во својата шеста посета на Украина од почетокот на војната, во време кога вниманието на светската јавност се повеќе се свртува кон Блискиот Исток. „Доаѓам со цврста верба дека носам охрабрување и да потврдам дека цврсто стоиме на украинската страна“, рече фон дер Лајен на пат за Киев.
The head of the European Commission, Ursula von der Leyen, has arrived in Kyiv and has already met with Zelensky.
She stated that she came to discuss the path of Ukraine's accession to the EU 💪 pic.twitter.com/aWKfO58T6h— Dr. Khaled Alfaiomi (@Alfaiomi) November 4, 2023
За време на престојот во Киев, Фон дер Лејен ќе се сретне со украинскиот претседател Володимир Зеленски, премиерот Денис Шмихал и ќе се обрати пред пратениците во украинскиот парламент.
Претседателот на Комисијата рече дека ќе разговараат за прашањата за проширувањето на ЕУ, финансиската и воената помош за Украина и подготовките за 12-тиот пакет санкции против Русија. Нејзината посета доаѓа неколку дена пред објавувањето на извештајот за напредокот на земјите кандидати за членство во ЕУ, кој Комисијата ќе го објави во среда.
Се очекува Комисијата да им препорача на шефовите на држави или влади на ЕУ отворање на пристапните преговори со Украина.