Министерот за надворешни работи на Финска, Ерки Туомиоја денеска ќе престојува во работна посета на Република Македонија.
За време на посетата, шефот на финската дипломатија ќе оствари средба со неговиот македонски колега Никола Попоски при што се очекува двајцата соговорници да разменат мислења за односите и соработката меѓу двете држави, за процесот на интеграција на Република Македонија во ЕУ, како и за одделни регионални и мултилатерални прашања.
Средбата ќе биде искористена и за натамошно интензивирање на соработката меѓу двете држави во насока на продолжување на финската поддршка за Македонија на патот кон ЕУ, при што се очекува министерот Попоски да ги повтори македонските стратешки позиции, како и реформските активности од ЕУ агендата во Република Македонија.