САД, Израел и Египет се согласија за прекин на огнот во јужниот дел на Газа, кој почна во 8 часот по средноевропско време за да се совпадне со повторното отворање на граничниот премин Рафах, објави Ројтерс, повикувајќи се на два египетски безбедносни извори.
Канцеларијата за медиуми на Хамас соопшти дека нема информации за договорено хуманитарно примирје, пренесува Ројтерс.
Сепак, се чини дека ниту една страна не сака официјално да го потврди прекинот на огнот. „Прашани за потврда, израелската армија и американската амбасада во Израел не дадоа веднаш коментар“, јавува Ројтерс. Конвој камиони со хуманитарна помош чека да влезе во Газа.