Француската компанија „Рено“ го претстави новиот Спарк-Рено „СРТ-01Е“ електричен тркачки автомобил, што ќе се натпреварува во првата сезона на Формула Е шампионатот.
Болидот Рено-Спарк СРТ-01Е е претставен на Саемот на автомобили во Франкфурт. Автомобилот е развиен во соработка со повеќе компании, а за неговото производство ќе биде задолжена француската компанија „Спарк рејсинг технолоџи“.
Телото на болидот е произведено од карбон и алумминиум, електричен мотор, менувач и електроника се од Мекларен додека Вилијамс е задолжен за дизајнот и системот на батеријата.
Максималната сила на болидот изнесува 200 киловати или 270 коњски сили што се испорачуваат на задната оска.
Мишелин разработи специјални пневматици што се погодни и за сува и влажна подлога, кои се во согласност со новите правила и политика на Формула Е за заштеда и промовирање на издржливост.
Шампионатот на електрични автомобили почнува од септември идната година, а засега од десет локации познати се Лос Анџелес и Мајами.