Општина Карпош распиша тендер за реконструкција на велосипедската и ролерската патека која минува долж нејзината територија. Станува збор за велосипедска патека која се протега од мостот кај хотелот „Александар Палас“ до Мостот на „Обединетите нации“ во должина од 3,5 километри, на која на пет до шест места има поголеми оштетувања.
Општина Карпош издвои 360.000 денари за санација на дупките и испакнувањата на патеката и таа ќе почне во најскоро време.Дотогаш, Општината, на неколку поголеми оштетувања кои се направени поради временските прилики, удари и 12-годишната амортизација на патеката, постави табли со предупредување до корисниците за прилагодување на брзината на возењето кон условите на патеката.