Петмина Бугари се појавија пред судот во Британија, со обвинение за заговор за собирање информации кои би биле „корисни за непријателот“ односно за Русија. Тројца мажи и две жени, од кои сите се Бугари, добија притвор во Вестминстерскиот суд.
Сите се појавија преку видео врска: Орлин Русев, 45, од Грејт Јармут, Бизер Џамбазов, 41, од Хароу, Катрин Иванова, 31, на иста адреса во Хароу; Иван Стојанов (31) од Гринфорд и Вања Габерова (29) од Червеј.
Тие се обвинети дека во периодот од 30.08.2020 година до 8. февруари годинава заговарале собирање податоци со намера директно или индиректно да бидат корисни за непријателот (Русија) за цели штетни за безбедноста и интересите на државата.