Американските тенкови Абрамс пристигнаа во Украина, изјави денеска украинскиот претседател Володимир Зеленски.
„Добри вести од министерот (за одбрана) Умеров. Тенковите Абрамс се веќе во Украина и се подготвуваат да ги засилат нашите единици“, објави Зеленски на својот канал Телеграм, пренесува Ројтерс.
Американскиот претседател Џозеф Бајден минатата недела изјави дека првите американски тенкови Абрамс ќе и бидат доставени на Украина оваа недела. Украинскиот претседател минатата недела објави дека Украина заедно со САД ќе произведува оружје, вклучително и системи за противвоздушна одбрана.