Првата дама на Украина ги повика светските лидери да помогнат да се вратат украинските деца кои, како што тврди таа, биле насилно однесени во Русија, каде што рече дека биле индоктринирани и лишени од нивниот национален идентитет, пренесува АФП.
Говорејќи на маргините на Генералното собрание на Обединетите нации, Олена Зеленска рече дека повеќе од 19.000 украински деца биле насилно префрлени или депортирани во Русија или на окупираните територии.
– Во Русија им кажаа дека не им се потребни на нивните родители, дека не и се потребни на нивната земја, дека никој не ги чека, дека тоа се руски деца, рече Зеленска.