Студенти од правните факултети од Македонија денеска на протестот пред Влада заедно со граѓаните кои трет пат протестираат по скандалот со Онкологија порачаа дека правото станало алатка на богатите.
„Гледаме како правото во нашата држава стана едноставно алатка на богатите и начин. На граѓаните им е преку глава, а тоа го изразуваат преку протест. Студентите се собраа да го изразат тоа преку протест. Злоупотребата на европското знаменце не треба да се случува. Сепак, ние сме дел од Европа и треба да го следиме европското законодавство, а овој начин на злоупотреба на европското знаменце не одговара и тоа се изразува преку денешниот револт кај луѓето кои се сведоци на драстично намалување на казните за злосторничко здружување и кривичните дела извршени во службена должност“, рече еден од студентите.
Иако тие имаа најавено посебен протест против измените на Кривичниот законик за денеска, сепак само еден од студентите излезе да зборува пред граѓаните.