Видео објавено од украинското Министерство за одбрана покажува три украински беспилотни летала вредни 500 долари како „ловат“ руски тенк Т-90 вреден 4,5 милиони долари пред да го разнесат, пишува Business Insider.
Украинското Министерство за одбрана, кое ја сподели снимката на Х, порано познат како Твитер, соопшти дека операцијата ја извршила Третата јуришна бригада во источниот град Бахмут. Во нападот учествувале три беспилотни летала на кои им бил прикачен експлозив, соопшти Министерството.
Станува збор за беспилотни летала, од кои секој чини околу 500 долари, соопшти Министерството.
На едноминутното видео се гледаат двајца украински војници како седат во соба и управуваат со беспилотни летала од далеку.
„Момци, тенкот работи. Тенкот работи“, вели еден од мажите на видеото пред третиот дрон да удри во тенкот и целосно да го уништи.