Американскиот претседател Џо Бајден бил информиран дека дошло до авионска несреќа во која, како што се сомневаат, бил лидерот на Вагнер, Евгениј Пригожин.
Иако е потврдено дека Пригожин бил на списокот на патници, се уште нема официјална потврда дека се качил во авионот. Она што е познато е дека на летот требало да има седум патници и тројца членови на екипажот, а сите во авионот се мртви. Досега се пронајдени осум тела.
Бајден се уште нема официјално соопштение, а американскиот претседател оваа недела е на одмор. Тој моментално се наоѓа во долината Тахо, Калифорнија.
Портпаролот на Советот за национална безбедност на Белата куќа рече дека „никој не треба да биде изненаден“ ако се потврдат извештаите дека основачот на „Вагнер“, Евгениј Пригожин бил во соборениот авион.