Најмалку 36 лица загинаа во огромните шумски пожари што ја зафатија областа Мауи на Хаваите, соопштија денеска локалните власти.
„Борбите продолжуваат, а денес 36 лица загинаа како последица на пожарот во Лахаина. Засега нема други детали“, се вели во соопштението, пренесе Си-Ен-Ен.
Пожарот уништи стотици објекти на Мауи, вклучувајќи домови и деловни објекти, а илјадници луѓе беа евакуирани.
Заменик-гувернерката на Хаваи, Силвија Лук, претходно изјави дека „патот до закрепнување ќе биде долг“.