За 18 август е закажана пленарната седница за уставните измени, која треба да трае не повеќе од 10 работни дена.
Чинот на гласање не е врзан за последниот ден, така е според деловникот изјави претседателот на собранието Талат Џафери.
– Собранието одлучува само доколку има потребно мнозинство за одлучување. Чинот на гласање или ќе биде по расправата или ќе е одложено, но тоа ќе зависи од моменталната ситуација, вели Џафери.
„Можно е за уставните измени кога ќе дојдат на пленарна седница да се исцрпи расправата, но да се одложи гласањето додека не се обезбеди потребното мнозинство од 80 гласа. Се зависи од моменталната состојба односно дали ќе има обезбедено 2/3 мнозинство. Ова не е ништо ново бидејќи имало вакви случаи и за закони“, додаде Џафери.