МВР извести дека на регионалниот пат во близина на село Раброво, валандовско, се случила сообраќајна несреќа помеѓу возило „фолксваген голф“, управувано од И.К.(61) од Струмица, „цитроен“ управувано од Г.А.(35) од Струмица и трактор „ИМТ“ управуван од Т.Ш.(74) од Валандово.
Во несреќата со тешки повреди се здобил возачот на тракторот, додека возачот на возилото „цитроен“ и шест сопатници од истото возило, како и сопатник од тракторот Д.Н.(56) се здобиле со телесни повреди, констатирани во Медицински центар Струмица и Здравствен дом Валандово, информира МВР.
Извршен бил увид од увидна екипа од полициската станица од Валандово.