Audi Nanuk Quattro concept развиен во соработка со Italdesign Giugiaro, комбинира во едно купе квалитет и параметри својствени за исклучително различни автомобилски сегменти: офроуд машина, луксузно суперспортско купе, до тркачки модел.
Двоседот Audi Nanuk Quattro concept е опремен со нов 5,0 литарски, V10 TDI дизел мотор кој генерира моќност од 544 коњски сили и максимален вртежен момент од 1.000 Nm.
Трансмисијата е преку седумстепен S tronic, а погонот, како што сугерира и самото име на концептот, е на четири тркала, а суспензијата е воздушна. Иако тежи цели 1.900 килограми, Audi Nanuk Quattro concept е во состојба да се забрза од 0 до 100 km/h за 3,8 секунди и да развие максимална брзина од 305 km/h. Просечната потрошувачка на гориво е 7,8 литри на 100 километри.