Поднесе оставка директорот на тетовската болница

Од:

В.Д. директорот на Клиничка болница Тетово Плумб Вела поднесе оставка поради лични причини. Тој функцијата ја извршува од 28 март, како кадар на партијата Алијанса за Албанците.

– Денес од лични и здравствени причини поднесов оставка на функцијата в.д директор на Клиничката болница во Тетово. Оставката е доставена до архивата на болницата во Тетово и во архивата на Министерството за здравство. Исто така, поднесов оставка до седиштето на Алијансата за Албанците и од функцијата шеф на огранокот на Алијансата за Албанците – Тетово. Благодарен сум на сите колеги од болницата, пријатели и поддржувачи на Алијанса за Албанците за поддршката и помошта во текот на овие месеци. На сите вас тетовци и активисти на Алијансата за Албанците, од се срце ви благодарам за континуираната поддршка. Мојот придонес ќе продолжи како едноставен активист на Алијансата за Албанците, порача Плумб Вела.

Плум Вела е роден 1973 година, а Стоматолошки Факултет завршил на Универзитет „Св.Кирил и Методиј“ во Скопје, каде во 2011 специјализирал детска стоматологија. Од 2002 година е вработен како стоматолог во Здравствен дом. Во периодот од 2006 до 2008 бил и директор на Здравствен дом. Во тетовската јавност е познат и како поранешен одбојкар и координатор во ОК Шкендија-Тетово.

Би можело да ве интересира

Во Тетово и во Скопје уште се санираат последиците од невремето

Невремето остави хаос во Тетово, се санираат штети и во Скопје

Катерина Ѓуровски

(ВИДЕО) Големо невреме проследено со дожд и град го зафати тетовскиот регион

Предраг Петровиќ

Во сообраќајка тешко повреден малолетник од Тетово

Карамбол во Тетово – удрил во паркирани автомобили, повредени возачот и 19 годишен сопатник

Убиство во тетовско Боговиње